Transcription
1
Monsieur, je laisse ses lettres à monsieur d’Ourches pour les
2
vous fère tenyr à sa première commodité. Vous entendrés par
3
icelle la bonne santé de mes dames de Caseneufve
4
et de Gordes. Madame de Gordes se trouvoys encore debille
5
de sa malladie et mallade de mal de dentz quy la
6
tient assez longuement. Mestre jehan Guilhen partist le
7
douziesme de ce moys d’Avignon pour l’aller veoyr, et croy quil
8
ne partira de Gargas quelle ne soye purgée. Monsieur
9
de Nevers me dict en Avignon que monsieur de L’Aval
10
avoyt entreprins ung voyaige oultre sa vollonté et que
11
pour prière quil luy sceust faire, il ne se voulsist
12
jamays desister de son voyage et se desroba de luy
13
pour la seconde foys quil estoye bien marry quil le feyst
14
pource quil craignoit tant la mer comme il faict.
15
Il me demanda aussi là où vous estiés, je luy dictz
16
que vous estiés aller veoyr monsieur de Savoye comme
17
j’avoys ouy dire. Monsieur le conte de Tende partist
18
yer d’Avignon pour parachever son voyage et sen vient à ses
19
journées jusques au Monthelimar où il prindra la poste.
20
Je madvance d’ung jour pour venir veoyr monsieur et
21
madamoyselle d’Ourches.
22
Monsieur, prieray le Createur vous donner en santé très heureuse
23
et conte[nte] vie, après mes très humbles recommandations à votre bonne
24
grace. De Sainct Gervays, ce XVIIIme septembre 1571.
25
Votre nepveu très humble et très
26
obeisant serviteur
27
De simienne
28
Monsieur, je vous suplierai me tenir pourt excuzé si je ne vous
29
escrips de ma main propre et set pour metre trové mal de mon bras
30
despuis quelques jours. Je man parts tout
31
presentement pour aller coucher à La Voute.